უკრაინის პრეზიდენტის, ვოლოდიმირ ზელენსკის განცხადებით, რუსეთის აგრესია მხოლოდ უკრაინით არასდროს შემოიფარგლებოდა და მისი სამიზნე მთელი ევროპა იყო.

ზელენსკიმ დასავლეთს რუსულ ენერგეტიკულ პროდუქტებზე სრული ემბარგოს დაწესებასა და უკრაინისთვის დამატებითი იარაღის მიწოდებისკენ მოუწოდა. მისი თქმით, რუსეთის მიერ ძალის გამოყენება იყო კატასტროფა, რომელიც აუცილებლად დააზარალებს ყველას.

ზელენსკიმ აღნიშნა, რომ უკრაინა მზად არის ძლიერი ბრძოლებისთვის, რადგან რუსული ჯარები ქვეყნის აღმოსავლეთით იყრიან თავს.

"ეს იქნება მძიმე ბრძოლა, ჩვენ გვჯერა ამ ბრძოლის და ჩვენი გამარჯვების. ჩვენ მზად ვართ, ერთდროულად, ვიბრძოლოთ და ომის დასასრულებლად დიპლომატიური გზები ვეძიოთ", — განაცხადა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში