ლატვიის სასამართლომ ეთნიკურად რუს მამაკაცს, რომელმაც ქვეყნის რუსეთთან შეერთების მოთხოვნის ონლაინ პეტიცია გამოაქვეყნა, 6 თვით თავისუფლების აღკვეთა მიუსაჯა.

მაქსიმ კოპტელოვს ბრალად ლატვიის დამოუკიდებლობის ხელყოფისკენ მოწოდება დაუმტკიცდა. დანაშაული თავისუფლების 3-დან 6 წლამდე აღკვეთას ითვალისწინებს.

31 წლის კოპტელოვი დანაშაულს არ აღიარებს და მისი ადვოკატის თქმით, სასამართლოს გადაწყვეტილებას შესაბამის ინსტანციაში გაასაჩივრებენ:

"სერიოზულად არ დაუწერია... მან გამოაქვეყნა და მიაწერა, რომ სერიოზულად არ უნდა აღექვათ ეს ყველაფერი. სახეზე არ არის დამოუკიდებლობის ხელყოფისთვის მოქმედების კონკრეტული მოწოდება, ამიტომ ბრალი არასწორად არის წარდგენილი და ჩვენ გავასაჩივრებთ."

ლატვიაში 2 მილიონამდე ეთნიკურად რუსი ცხოვრობს, აქედან 160 ათასამდე ადამიანს მოქალაქეობა არ აქვს, კოპტელოვი ერთ-ერთი მათგანია.