საქართველოში უკრაინის საქმეთა დროებითი რწმუნებულის, ანდრეი კასინოვის განცხადებით, რადას თავმჯდომარე ყველა პარლამენტარს, მათ შორის, შალვა პაპუაშვილს ბუჩაში იწვევს, რათა საკუთარი თვალით ნახონ იქ ჩადენილი დანაშაულები.

"ჩვენ დარწმუნებული ვართ, რომ უკრაინა გაუძლებს, აუცილებლად დაამარცხებს მტერს. ეს არის ჩვენი ბრენდი. უკრაინელები მამაცი ხალხია და იმის გამო, რომ ჩვენ ამ გმირულ ბრძოლაში მარტო არ ვართ. ჩენთანაა მთელი მსოფლიო, ჩვენთან არის ღმერთი, ჩვენთან არის სიმართლე.

დღეს მსოფლიომ ნახა და დაგმო სამხედრო დანაშაულებები ბუჩაში. უკრაინის უმაღლესი რადას თავმჯდომარემ, ბატონმა სტეფანჩუკმა მიმართა ყველა პარლამენტარს, ჩამოვიდნენ ბუჩაში და საკუთარი თვალით ნახონ ეს დანაშაულები. შესაბამისი მოწვევა მიიღო, ასევე, საქართველოს პარლამენტის თავმჯდომარემ, შალვა პაპუაშვილმა", — ამბობს კასინოვი.

On.ge დაუკავშირდა პარლამენტის პრესსამსახურს, სადაც განაცხადეს, რომ მოწვევა ჯერ არ მისულა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში