ჩინეთში, კერძოდ კი ჟიანში, შანჟის პროვინციის დედაქალაქში, მეეზოვეების კონტროლი და მათ მიერ გაწეული სამუშაოს შეფასება არაორდინალური ხერხით გადაწყვიტეს.

ინსპექტორი ქუჩაში შემთხვევითობის პრინციპით არჩევს მონაკვეთს და იქიდან მტვერს იღებს.

ფოტო: PEOPLE'S DAILY

მოპოვებულ მასალას იქვე წონიან და თუ ერთ კვადრატულ მეტრზე მტვრის წონამ 5 გრამს გადააჭარბა მეეზოვეს გაფრთხილებას აძლევენ, ხოლო 3 გაფრთხილების შემდეგ სამსახურიდან უშვებენ.

ფოტო: PEOPLE'S DAILY

62 წლის მეეზოვე, ვან გუანაი, ჩინეთის ახალი ამბების სააგენტოსთან საუბარში აცხადებს, რომ ახალი რეგულაციების გამო მას ზეგანაკვეთზე უწევს მუშაობა და ქუჩას დღეში 4-5-ჯერ გვის.

აღნიშნული პრაქტიკის დანერგვას ჩინეთის სხვა პროვინციები უახლოეს მომავალში აპირებენ.