ავსტრალიის საგარეო საქმეთა მინისტრის, მარიზ პეინის განცხადებით, რუსეთის 67 მოქალაქეს ფინანსურ სანქციებს დაუწესებენ და ქვეყანაში მოგზაურობას აუკრძალავენ. ავსტრალიის მიერ სანქცირებული ადამიანებისა და სუბიექტების საერთო რაოდენობა თითქმის 600-მდე გაიზარდა.

"დღეს ვაცხადებ 67 დამატებით სანქციას პუტინთან დაახლოებული რუსი ელიტებისა და ოლიგარქების მიმართ, რომლებიც ხელს უწყობენ და მხარს უჭერენ მის აღმაშფოთებელ ქმედებებს", — განაცხადა მინისტრმა.

პეინის თქმით, ახალი სანქციები მოყვა რუსეთის მიერ ჩადენილი ომის დანაშაულების მტკიცებულებებს ბუჩაში და სხვა ქალაქებში.