Twitter-მა განაცხადა, რომ მომხამრებლებს აღარ ურჩევს რუსეთის სამთავრობო ანგარიშებს. შეზღუდვა შეეხება იმ ქვეყნების ანგარიშებს, რომლებიც ზღუდავენ ინტერნეტზე წვდომას და ჩართული არიან სამხედრო კონფლიქტში. ამასთანავე, წაიშლება სამხედრო ტყვეების ამსახველი პოსტები, რომლებიც გამოქვეყნებულია მთავრობის ან სახელმწიფოსთან დაკავშირებული მედიის ანგარიშებით.

"როდესაც მთავრობა ბლოკავს ან ზღუდავს წვდომას ონლაინ სერვისებზე საკუთარ ქვეყანაში, ამცირებს საზოგადოების ხმასა და ინფორმაციის თავისუფლად წვდომის უნარს, მაგრამ აგრძელებს ონლაინ სერვისების გამოყენებას საკუთარი კომუნიკაციისთვის, იქმნება სერიოზული ინფორმაციის დისბალანსი", — აცხადებს კომპანია.

Twitter-ის ხელმძღვანელის თქმით, არ სურთ, რომ სახელმწიფო აქტორებმა Twitter ჰუმანიტარული სამართლის დარღვევისთვის გამოიყენონ.