კიევის მერი, ვიტალი კლიჩკო ევროპელ პოლიტიკოსებს რუსეთთან ყველანაირი კომერციული კავშირის შეწყვეტისკენ მოუწოდებს და თქვა, რომ ფული, რომელსაც რუსეთიდან იღებენ ან გზავნიან, უკრანელი ხალხის დაღვრილი სისხლია.

"ყოველ ევროს, ყოველ ცენტს, რომელსაც რუსეთიდან იღებთ ან აგზავნით, სისხლიანია, ეს არის სისხლიანი ფული და სისხლი უკრაინული სისხლია, უკრაინელი ხალხის სისხლი", — განაცხადა მან.

უკრაინის მერმა ბუჩის ტრაგედიაზა და "უკრაინელთა გენოციდზეც" ისაუბრა.

"მე ვნახე დაღუპული მშვიდობიანი მოქალაქეები, მათ შორის, მოხუცი ქალი და მანქანა თეთრი დროშით, რომელსაც გარედან "ბავშვები" ეწერა. მას ესროლეს და მანქანა შიგნით სისხლიანი იყო.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.