ქართველი მაყურებლისთვის კარგად ნაცნობი მექსიკელი მსახიობი ედიტ გონსალესი უკვე რამდენიმე თვეა რაც სიმსივნეს ებრძვის, რამდენიმე ოპერაციისა და ქიმიოთერაპიის პროცედურის შემდეგ, მსახიობმა დაავადება ჯერ ვერ დაამარცხა.

გონსალესი რამდნიმე თვეა აქტიურად საუბრობს ამ თემაზე და ამბობს, რომ ამით ცდილობს, სხვა ქალებს მაგალითი მისცეს და დაანახოს, რომ ბრძოლას ყოველთვის აქვს აზრი.

"მინდა ჩემი შვილისთვის ვიყო მაგალითი იმისა, რომ მისი დედა ძლიერია. არასდროს არაფერი დამიმალავს მისთვის ჩემი დაავადების შესახებ. ძალიან რთულია, მაგრამ ასეთ დროს სითამამე და სიძლიერეა საჭირო. ვიცი ეს დიდი ტრაგედიაა, თუმცა ძალიან ვცდილობ ამას სხვა კუთხით შევხედო და მქონდეს იმედი, რომ ის მე ვერ მომერევა, მე მჯერა ამის და მინდა თქვენც გჯეროდეთ", - ამბობს გონსალესი.

ედიტ გონსალესი მექსიკაში ერთ-ერთი ყველაზე პოპულარული მსახიობია, გარდა ამისა ის ამერიკულ ფილმებშიც ხშირად იღებს მონაწილეობას.