საქართველოს ბანკმა საქველმოქმედო ფონდების პირველი საერთო პლატფორმა donate.ge შექმნა, სადაც მომხმარებლებს და სხვების დახმარების მსურველებს შეუძლიათ ნახონ ყველა მთავარი ქართული საქველმოქმედო ფონდი.

ახალი პლატფორმა სხვების დახმარებას ამის მსურველებს უადვილებს, რადგან მათ შეეძლებათ სწორედ საიტიდან გადარიცხონ თანხა, რომელსაც საკომისიო არ მოეჭრება.

ამას გარდა, პლატფორმა საქართველოს ბანკის პრესსამსახურმა On.ge-ს უთხრა, რომ ქველმოქმედების მსურველებს ხელს შეუწყობს, ნივთებით დაეხმარონ მათ, ვისაც ეს სჭირდება:

"საუბარია ნივთების დონაციაზე სოციალურად დაუცველი ადამიანებისა და ბავშთა სახლების დასახმარებლად, პლატფორმის მეშვეობით მოქალაქეებს შესაძლებლობა ექნებათ ნებისმიერი ნივთი უანგაროდ გასცენ და ამ ნივთების ტრანსპორტირებას ჩვენი კურიერი განახორციელებს მიზნობრივად".

ნივთებით დახმარების სერვისი ცოტა მოგვიანებით, თუმცა ასევე გაზაფხულიდან, ამოქმედდება.