თურქეთის სამთავრობო მედიის ცნობით, 26 აპრილს, ქვეყნის მასშტაბით, ათასზე მეტი პირი ფეტულა გიულენის ორგანიზაციასთან კავშირის ბრალდებით დააკავეს.

რეიდში 8 500 პოლიციის ოფიცერი მონაწილეობდა. დასაკავებელთა სიაში სულ 3 224 სახელი და გვარი იყო.

შინაგან საქმეთა მინისტრის თქმით, 72 პროვინციაში, ჯამში, სულ 1 009 საიდუმლო იმამი დააკავეს:

"ეს ჩვენი რესპუბლიკისთვის ძალიან მნიშვნელოვანი ნაბიჯია".

გავრცელებული ცნობებით, სტამბოლში დასაკავებელთა სიაში სულ 390 ეჭვმიტანილი იყო, თუმცა პოლიციამ ჯერჯერობით მხოლოდ 172 მათგანის დაკავება შეძლო. 218 პირის ძებნა ამ დრომდე მიმდინარეობს.

თურქეთის პრემიერმინისტრის, ბინალი ილდირიმმა, 15 აპრილს განაცხადა, რომ ოფიციალურ პირებს ჰქონდათ ინფორმაცია, რომ ამერიკაში გაქცეული ფეტულა გიულენის მომხრეების საიდუმლო დაჯგუფება FETÖ ქვეყანაში სამომავლო ოპერაციას გეგმავდა. შეგახსენებთ, რომ თურქეთის პრეზიდენტი და ხელისუფლება, 2016 წლის ივლისის გადატრიალების მცდელობის ორგანიზატორობას ფეტულა გიულენს აბრალებს.

თურქეთში დემოკრატიის კრიზისია. აპრილის დასაწყისში, ქვეყნის მასშტაბით ჩატარებულ რეფერენდუმში, რომელსაც ოპოზიცია გაყალბებულად მიიჩნევს, მოსახლეობამ მხარი დაუჭირა ქვეყნის საპარლამენტოდან საპრეზიდენტო რესპუბლიკაზე გადასვლას.