უკრაინის პრემიერმინისტრის, დენის შმიგალის განცხადებით, რუსეთის შეჭრის შედეგად უკრაინისთვის მიყენებული ზარალი 1 ტრილიონ დოლარს აღემატება. მისი თქმით, დაანგარიშებ კვლავ მიმდინარეობს და ირიბად არის გამოთვლილი.

შმიგალის განცხადებით, ზარალის პირველი კომპონენტი ინფრასტრუქტურული დანაკარგებია და ამ მიმართულებით თანხა 270 მილიარდ დოლარზე მეტია, თუმცა ეს რიცხვი ყოველდღიურად იზრდება. მეორე კომპონენტად პრემიერმინისტრი ასახელებს ეკონომიკურ ზარალს და ამბობს, რომ მათი გათვლით ეს თანხა 290 მილიარდ დოლარზე მეტია. ხოლო, მესამე კომპონენტი ის ზარალია, რასაც სახელმწიფო სამომავლოდ მშპ-ს შემცირების გამო განიცდის.

პრემიერმა აღნიშნა, რომ დეტალური გაანგარიშებისთვის შექმნილია დაკარგული ქონების რეესტრი და თითოეულ ადამიანს შეეძლება დაარეგისტრიროს ოჯახისთვის მიყენებული ზარალი.