Stranger Things-ის მესამე სეზონის პრემიერიდან თითქმის 3 წელი გავიდა და გასაკვირი სულაც არაა, რომ ფანები საყვარელი ისტორიის გაგრძელებას სულმოუთქმელად ელიან. ახალი სეზონის გამოსვლამდე სულ ცოტა დრო რჩება და ახალი თავგადასავლების ამსახველი პირველი კადრები უკვე აქაა!

ფოტო: Netflix

ფოტო: Netflix

თებერვალში ცნობილი გახდა, რომ მეოთხე სეზონი ორ ნაწილად გაიყოფა. პირველი ნაწილის პრემიერა 27 მაისსაა დაგეგმილი, მეორე ნაწილის კი — ივლისში.

ფოტო: Netflix

ფოტო: Netflix

"რამდენიმე სცენარით, 800-ზე მეტი გვერდით, ორწლიანი გადაღებებითა და ათასობით ვიზუალური ეფექტით Stranger Things-ის მეოთხე სეზონი ყველაზე რთული აღმოჩნდა. მასში ჩართული ადამიანები შედეგებით ვამაყობთ და მოუთმენლად ველით მაყურებელთან შოუს გაზიარებას", — განაცხადეს შოუს შემქმნელებმა.

ფოტო: Netflix

ფოტო: Netflix

შოუს შემქმნელების თქმით, ახალი სეზონი უფრო სერიოზული იქნება და საშინელებათა ფილმებს მოგვაგონებს. როგორც ფოტოებიდან ჩანს, ჩვენი საყვარელი პატარა გმირებიც უკვე გაიზრდნენ.

ფოტო: Netflix

ფოტო: Netflix

უნდა აღინიშნოს, რომ Stranger Things ნეტფლიქსის ბოლო დროის ერთ-ერთი წარმატებულ შოუდ ითვლება. შოუ ემიზე უკვე 31-ჯერ იყო ნომინირებული, რომელთაგან ექვს კატეგორიაში გაიმარჯვა.

ფოტო: Netflix