ტესტი: რომელი ქართველი მეფე ხარ?

ისტორიის მოყვარული რომც არ იყო, 1121 წელი მაინც კარგად გემახსოვრება, რადგან ბავშვობიდან სახელოვანი მეფეების ცხოვრებისა და წარმატებების შესახებ ბევრი რამ გექნება მოსმენილი. თუმცა ფაქტებისა და წლების დამახსოვრების გარდა, ის უფრო საინტერესოა, თუ რა გადაწყვეტილებებს იღებდნენ სახელგანთქმული მეფეები და რით დაამახსოვრეს ისტორიას თავი.

მართალია, თანამედროვე ადამიანი ისეთ ეპოქაში ცხოვრობს, რომ მეფე ან დედოფალი ძნელად თუ გახდება, მაგრამ ჩვენი ფანტაზიები ხშირად მაინც არარეალური სცენარებისკენაა მიდრეკილი. თუ ერთხელ მაინც დაინტერესებულხარ, როგორ შეძლებდი ქვეყნის მართვას ან რომელი ქართველი მეფე იქნებოდი, მაშინ ეს ტესტი სწორედ შენთვისაა.

რა იქნება ქვეყნის მართვისას შენი მთავარი პრიორიტეტი?

როგორ მოაგვარებ სამეფო კარზე არსებულ კონფლიქტებს?

სამეფოს ინტერესების გამო პოლიტიკურ ქორწინებას დათანხმდები?

რის მიხედვით შეარჩევ მოკავშირეებს?

ბრძოლის მოსაგებად რა მეთოდებს მიმართავ?

როგორ ფიქრობ, შენი მმართველობიდან გამომდინარე ხალხი რას გიწოდებდა?

რა გზას აირჩევ სხვა სამეფოსთან კონფლიქტის მოსაგვარებლად?

და ბოლოს, როგორ ფიქრობ, რამდენ ხანს გაგრძელდება შენი მეფობა?

ტესტი: რომელი ქართველი მეფე ხარ?

შენ ხარ: თამარ მეფე

ყოჩაღ, შენ მეფობას თამარის მსგავსად შეძლებდი და ქვეყნისათვის ეს პერიოდი ოქროს ხანაც კი გახდებოდა. როგორც ჩანს, ძალიან კარგი სტრატეგიული აზროვნება გაქვს და წინდახედული ადამიანიც ხარ. შენი მეფობის დროს შიდა კონფლიქტებიც მოგვარებული იქნებოდა და საერთაშორისო ასპარეზზე წარმატებული ქვეყანა გვექნებოდა.

შენ ხარ: დავით აღმაშენებელი

შენ დავით აღმაშენებლის მსგავსად გონებამახვილი, სამართლიანი და მტრების მიმართ დაუნდობელი მეფე იქნებოდი. დარწმუნებული ვარ, მემკვიდრეობით განადგურებული ქვეყანა რომ გერგოს, შენი ნიჭითა და სტრატეგიული აზროვნების წყალობით აყვავებულ ადგილად მალევე აქცევ. საქართველოს ნამდვილად გაუმართლებდა შენნაირი მეფე რომ ჰყოლოდა!

შენ ხარ: გიორგი ბრწყინვალე

შენ მეფე გიორგის მსგავსად ისეთ გონივრულ გადაწყვეტილებებს მიიღებდი, რომ ხალხი ბრწყინვალეს აუცილებლად გიწოდებდა. როგორც ჩანს, საკმაოდ ჭკვიანი პოლიტიკოსი და მეფე იქნებოდი, რომელსაც არც სიფრთხილე ავიწყდება და საჭიროების შემთხვევაში დაუნდობლადაც იბრძვის. ხალხს ძალიან ეყვარებოდი, ხოლო მტერი შიშის გამო ეცდებოდა, რომ შენთვის თავი აერიდებინა.

შენ ხარ: ლაშა-გიორგი

შენ ლაშა-გიორგის მსგავსად თავისუფალი აზროვნების მქონე ადამიანი ხარ, რომელიც რაინდული სულისკვეთებით გამოირჩევა და თან რომანტიკოსიცაა. შეიძლება, დიდებულებს შენი ცხოვრების სტილი არ მოსწონებოდათ, თუმცა ძნელია ვინმემ საკუთარ პრინციპებზე უარი გათქმევინოს. ამის მიუხედავად, შენი სტრატეგიული აზროვნების წყალობით ქვეყანას მნიშვნელოვან გამარჯვებებს მოუტანდი.

შენ ხარ: ვახტანგ VI

ვახტანგ VI-ის მსგავსად შენი ინტელექტუალური უნარებითა და ცოდნით გარშემომყოფებს შორის ყოველთვის გამოირჩევი. ამ უნარებს მეფობის დროსაც ძალიან კარგად გამოიყენებდი და სხვადასხვა რეფორმის მეშვეობით ქვეყანაში განათლების დონეს მნიშვნელოვნად გაზრდიდი. ძალიან რთულია ისეთი სფეროს დასახელება, რომელშიც კარგად ვერ ერკვევი. ასე რომ, შენნაირ განმანათლებელ მეფეს ყველა ისურვებდა.

ბოლო ამბები:

გირჩევთ