Amazon-ის (AMZN) აქციების ღირებულება ბოლო წლებში გაიზარდა და 3 600 დოლარსაც კი გადააჭარბა. ეს ერთ-ერთი მიზეზია, რის გამოც კომპანიამ აქციების 20-ად გაყოფის გადაწყვეტილება მიიღო.

საკუთარ განცხადებაში Amazon-მა თქვა რომ აქციების გაყოფა მათ ფასიან ქაღალდებზე ხელმისაწვდომობას გაზრდის. იმ დღეს, როდესაც აქციები გაიყოფა — განაწილდება ერთი აქციის ღირებულებაც და ის 20-ჯერ გაიაფდება. ინვესტორი, რომელიც ახლა კომპანიის 1 აქციას ფლობს, გაყოფის შემდეგ დამატებით 19 აქციას მიიღებს.

ინვესტორები, რომლებიც ამ კომპანიის ფასიან ქაღალდებს აკვირდებიან, ინტერესდებიან რომელი გადაწყვეტილება იქნებოდა უკეთესი — იყიდო Amazon-ის აქციები გაყოფამდე, თუ გაყოფის შემდეგ. სტატიის მომდევნო ნაწილში სწორედ ამ საკითხს განვიხილავთ.

რჩევა 1: იყიდე გაყოფამდე — ახლა აქციების ფასი მზარდია

კომპანიის აქციების ღირებულება პანდემიის დასაწყისშივე გაიზარდა. ეს გასაკვირი არც არის, რადგან როგორც ცნობილია, პანდემიამ ონლაინ ვაჭრობის სექტორი მნიშვნელოვნად გაზარდა. 2020 წელს, კომპანიის აქციების ღირებულება 76%-ით გაიზარდა და პირველად გადააჭარბა 3 000 დოლარს. ანალიტიკოსების შეფასებით, 2021 წელს ეს ზრდის ტენდენცია შენელდა, თუმცა კომპანიის ფასიანი ქაღალდების ღირებულება კვლავ მაღალ ნიშნულზე შენარჩუნდა.

პოსტ პანდემიურ პერიოდში ზრდის შენელებას რამდენიმე მიზეზი აქვს. პირველი მიზეზი გლობალურ ეკონომიკაში შექმნილი ზოგადი გარემოა, რაც სამუშაო ძალის დეფიციტში, გაზრდილ ფასებსა და ინფლაციაში გამოიხატა. ამასთან, ზრდის ტემპი ყოველთვის უფრო მეტად მაღალია მცირე ღირებულების და ზრდის მაღალი პოტენციალის მქონე აქციებში, ვიდრე იმ ფასიან ქაღალდებში, რომელთა ღირებულებაც ათასებს აჭარბებს.

მას შემდეგ, რაც კომპანიამ აქციების გაყოფის შესახებ განაცხადა, მისი ფასიანი ქაღალდების ღირებულება გაიზარდა. ანალიტიკოსების შეფასებით, ინვესტორებმა, რომლებმაც ახლა ამ კომპანიის აქციები იყიდეს, დიდი ალბათობით, სამომავლოდ მოგებას ნახავენ.

რჩევა 2: იყიდე გაყოფამდე — აქციების ფასი გონივრულია

მიუხედავად იმისა, რომ გლობალური ეკონომიკა მნიშვნელოვანი გამოწვევების წინაშე დგას, Amazon არ ჩერდება და მუდმივ განვითარებას განაგრძობს. კომპანია დიდ ინვესტიციას დებს სამომავლო განვითარებისთვის, რაც გრძელვადიან პერსპექტივაში შედეგის მომტანი უნდა იყოს.

კომპანია, რომელიც განვითარებაზე ზრუნავს, ინვესტორების ყურადღების ცენტრში ყოველთვის ექცევა. სწორედ ამიტომ, ეს კიდევ ერთი მიზეზია, რის გამოც ახლა Amazon-ის აქციების შეძენას ურჩევენ.

რჩევა 3: იყიდე გაყოფის შემდეგ — უფრო მარტივი იქნება მცირე ინვესტიციის განხორციელება

თუ Amazon-ის ფასიანი ქაღალდების შეძენა ახლავე გსურს, ერთი აქციისთვის დაახლოებით 3 225 დოლარი უნდა გადაიხადო. აღსანიშნავია, რომ შესაძლებელია ერთი აქციის წილის შეძენაც, თუმცა ზოგიერთ ინვესტორს ურჩევნია, მინიმუმ ერთი სრული აქცია შეიძინოს.

როდესაც კომპანიის აქციები გაიყოფა, თითოეული ფასიანი ქაღალდის ღირებულება დაახლოებით 150 დოლარი იქნება. ეს იმ ინვესტორებისთვის, რომლებიც კომპანიის აქციებს ფლობენ, ღირებულების მხრივ არაფერს შეცვლის. ამის მიუხედავად, კომპანიაში ვარაუდობენ, რომ აქციების გაყოფით ახალ ინვესტორებს დააინტერესებენ.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.