პრორუსული, ჰომოფიბიური და ძალადობრივი ალტ-ინფოს კონსერვატიული პარტიის ოფისის გახსნას ახალციხეში პროტესტი და ხმაური მოჰყვა.

მოქალაქეები ოფისთან საქართველოსა და უკრაინის დროშით იყვნენ მოსულები. ადგილზე პოლიციაც იყო მობილიზებული.

"მოღალატეები ხართ, მოღალატეები", — ისმოდა შეძახილები.

აღსანიშნია, რომ ძალადობრივ და პროპუტინისტურ დაჯგუფების ოფისების გახსნა აქამდე სხვა ქალაქებშიც გააპროტესტეს. გარდა ამისა, მათ დაახურინეს ოფისები — ოზურგეთში, ხულოში, ქედასა და შუახევში. მარნეულში კი აქტივისტ სამირა ბაირამოვას მიერ მათი ოფისის ბანერის უკრაინისა და ევროკავშირის დროშის შეღებვას მუქარა და შეურაცხყოფა მოჰყვა.

დღეს სამირა ბაირამოვამ დაწერა, რომ ალტ-ინფომ მუქარა შეასრულა და მარნეულში ენმ-ის ოფისი შეღება. მისი მშობლები პრეზიდენტს, პრემიერმინისტრსა და შს მინისტრს შვილის დაცვას სთხოვენ.