თბილისში, აბაშიძის ქუჩაზე ერთ-ერთ კაფეში ფორმულას გადამღებ ჯგუფს თავს დაესხნენ. ტელეკომპანიის ინფორმაციით, ჟურნალისტი რესპონდენტს წერდა, როდესაც ერთ-ერთმა იქ მყოფმა ფორმულას თანამშრომლის მიმართ აგრესია გამოხატა.

მათივე ცნობით, თავდამსხმელმა გაღიზიანება მას შემდეგ გამოხატა, რაც გაიგო, რომ ჟურნალისტები ფორმულადან იყვნენ. ტელეკომპანიაში აცხადებენ, რომ ნაცემია ფორმულას 2 ოპერატორი და დაზიანებები აქვს ჟურნალისტ ნანო ჩაკვეტაძეს.

საქმეზე სპეციალურმა საგამოძიებო სამსახურმა დაიწყო გამოძიება სისხლის სამართლის კოდექსის 154-ე მუხლის მეორე ნაწილით, რაც ჟურნალისტისათვის პროფესიულ საქმიანობაში უკანონოდ ხელის შეშლას გულისხმობს. მათივე ცნობით, სპეციალური საგამოძიებო სამსახური შემჭიდროვრებულ ვადებში ჩაატარებს ყველა საჭირო საგამოძიებო და საპროცესო მოქმედებას.