მელიტოპოლის მერი ტყვეობიდან გაათავისუფლეს. ინფორმაციას ამის შესახებ უკრაინული მედია პრეზიდენტის აპარატის უფროსის მოადგილეზე, კირილ ტიმოშენკოსა და სახელმწიფო ადმინისტრაციის აპარატის უფროსზე, ანდრეი ერმაკზე დაყრდნობით ავრცელებს.

ტიმოშენკომ ვიდეომიმართვაში თქვა, რომ ფედოროვის რუსული ტყვეობიდან გათავისუფლების "სპეციალური ოპერაცია" დასრულდა. ერმაკმა კი აღნიშნა, რომ ფედოროვი უკვე ესაუბრა პრეზიდენტ ვოლოდიმირ ზელენსკის.

11 მარტს ანტონ გერაშენკომ თქვა, რომ ოკუპანტებმა მელიტოპოლის მერს, ივან ფედოროვს თავზე ტომარა ჩამოაცვეს და გაიტაცეს. მისივე ინფორმაციით, მერმა ოკუპანტებთან თანამშრომლობაზე უარი თქვა. მოქმედი მერის გატაცების შემდეგ, რუსებმა მელიტოპოლში ახალი "მერი" დანიშნეს. ზაპოროჟიეს რეგიონალურ სამხედრო ადმინისტრაციაში 15 მარტს განაცხადეს, რომ გატაცებული მერი ივან ფედოროვი ოკუპირებულ ლუგანსკის ტერიტორიაზე იყო, სადაც მას ბრალს "ტერორიზმის" მუხლით სდებდნენ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში