აშშ-ის კონგრესში სიტყვით გამოსვლისას უკრაინის პრეზიდენტმა, ვოლოდიმირ ზელენსკიმ კონგრესმენებს მარტინ ლუთერგ კინგის სიტყვები გაახსენა და თქვა, რომ მას არა ოცნება, არამედ საჭიროება აქვს.

"მე მაქვს ოცნება — ეს სიტყვები აქ ყველა თქვენგანისთვის ნაცნობია. მე შემიძლია ვთქვა, რომ მე მაქვს საჭიროება. მე მჭირდება, რომ დავიცვა ჩვენი ცა, მჭირდება თქვენი გადაწყვეტილება, თქვენი დახამრება, რაც ზუსტად იმას ნიშნავს, როცა თქვენ ეს სიტყვები, "მე მაქვს ოცნება" გესმით", — უთხრა ზელენსკიმ კონგრესის წევრებს.

გარდა ამისა, ზელენსკიმ განაცხადა, რომ ისინი ერთი წამითაც არ ფიქრობენ დანებებაზე და ახლა მათი ქვეყნის ბედი წყდება. მან ჰკითხა კონგრესმენებს, ბევრს ითხოვენ თუ არა, როცა ცის დახურვაზე მიმართავენ.

"რუსეთმა უკრაინული ცა ათასობით ადამიანისთვის სიკვდილის წყაროდ აქცია. რუსულმა ჯარებმა უკრაინაში უკვე 1 000-ზე მეტი რაკეტა ისროლეს, ჩამოაგდეს უთალავი ბომბი, იყენებენ დრონებს, რომ დაგვხოცონ — ეს არის ტერორი, რომელიც ევროპას 80 წელია არ უნახავს და ჩვენ ამ ტერორზე პასუხს ვითხოვთ.

ბევრს ვითხოვთ? შექმენით არა-საფრენი ზონა უკრაინის თავზე, ბევრია ამის მოთხოვნა? არა-საფრენი ზონა, რითაც რუსეთს აღარ შეეძლება ჩვენი ქალაქების დატერორება. თუ ეს ძალიან ბევრია, მაშინ გთავაზობთ ალტერნატივას — იცით, როგორი თავდაცვის სისტემებიც გვჭირდება", — განაცხადა ზელენსკიმ და კონგრესმენებს დაბომბილი უკრაინის ვიდეო აყურებინა.

ამავე თემაზე:

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში