ოკუპანტებმა მარიუპოლიდან მოქალაქეთა ნაწილი გაათავისუფლეს, აქამდე მათ მწვანე დერეფნები დაბლოკილი ჰქონდათ. მერიის განცხადებით, 160-ზე მეტმა კერძო მანქანამ უკვე გაიარა ბერდიანსკი და მიემართება ზაპოროჟიესკენ.

მერის მრჩეველის, პეტრ ანდრიუშჩენკოს განცხადებით, ევაკუირებულებს ელიან ზაპოროჟიეში პირველადი დახმარებისა და განსახლებისთვის. ანდრიუშჩენკომ ასევე ხაზგასმით აღნიშნა, რომ ადგილობრივი ხელისუფლება ოფიციალურად ვერ უზრუნველყოფს უსაფრთხოებას ამ დერეფნის მიმართულებით, მაგრამ ამ ეტაპზე ერთადერთი მოქმედი დერეფანია, ამიტომ დამოუკიდებლად წასვლის მსურველებს, შეუძლიათ ისარგებლონ.

ბოლო რამდენიმე დღის განმავლობაში მარიუპოლი მთლიანად ბლოკირებული იყო როგორც ევაკუაციისთვის, ასევე ჰუმანიტარული ტვირთისთვის.13 მარტს ჰუმანიტარული კოლონა, რომელიც მარიუპოლისკენ მიემართებოდა, ისევ ბერდიანსკში დაბრუნდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში