ლვოვის რეგიონული ადმინისტრაციის განცხადებით, სტარიჩიში მშვიდობისა და უსაფრთხოების საერთაშორისო ცენტრზე განხორციელებული თავდასხმის შემდეგ 9 ადამიანი დაიღუპა. მათივე ცნობით დაშავდა 57 ადამიანი, რომელიც გადაყვანილია საავადმყოფოში. როგორც BBC წერს ეს სამხედრო ბაზაა.

ლვოვის ოლქის სამხედრო ადმინისტრაციის ხელმძღვანელი მაქსიმ კოზიცკი წერს, რომ ოკუპანტები ლვოვის ოლქში იავორივის აეროდრომსა და სამხედრო ბაზასაც დაესხნენ თავს.

ადმინისტრაციაში გამართულ ბრიფინგზე მათ თქვეს, რომ წინასწარი მონაცემებით 30-ზე მეტი რაკეტა გაისროლეს ოკუპანტებმა. ამ დროისთვის ხანძარი ლიკვიდირებულია.

ცენტრი პოლონეთის საზღვრიდან დაახლოებით 25 კილომეტრით არის დაშორებული. მედიის ინფორმაციით, ეს ცენტრი 2007 წელს შეიქმნა და წარმოადგენს სასწავლო-საწვრთნელ ბაზას კადრების მოსამზადებლად უკრაინის შეიარაღებული ძალებისთვის.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში