უკრაინის პრეზიდენტმა, ვოლოდიმირ ზელენსკიმ განაცხადა, რომ კრემლის პროპაგანდისტები პასუხს აგებენ ომის დანაშაულში მონაწილეობისთვის ისე, როგორც ისინი, ვინც მშვიდობიანი მოსახლეობის დაბომბვის ბრძანება გასცეს. ზელენსკის თქმით, მარიუპოლში სამშობიაროს დაბომბვის შესახებ რუსულ მედიებზე ცრუ ინფორმაცია გაავრცელეს, თითქოს იქ დაბომბვისას არავინ იმყოფებოდა.

"მათ ერთი რამ მინდა ვუთხრა: თქვენ ისევე აგებთ პასუხს, როგორც ისინი, ვინც მშვიდობიანი მოსახლეობისთვის დაბომბვის ბრძანებას გასცემენ. ჩვენ ვიპოვით პროპაგანდისტების და მათთან დაკავშირებული პირების მთელ ქონებას. ყველაფერს გავაკეთებთ იმისთვის, რომ სადაც არ უნდა იყოს მათ ეს ქონება ჩამოერთვათ. გიყვართ მდიდრული ცხოვრება, აყვავებული ქვეყნები? აღარ გექნებათ და ეს მხოლოდ დასაწყისია. თქვენ დაისჯებიან ომის დანაშაულებში მონაწილეობისთვის", — თქვა მან.

ზელენსკიმ აღნიშნა, რომ ომი ყოველთვის ურტყამს მსხვერპლსაც და აგრესორსაც, თუმცა აგრესორი ამას გვიან ხვდება.

"ომი არასოდეს არის იზოლირებული. ის ყოველთვის ურტყამს როგორც მსხვერპლს, ისე აგრესორსაც. აგრესორი ამას გვიან, მაგრამ ყოველთვის ხვდება და ყოველთვის იტანჯება",— ამბობს ის.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში