გაეროს უახლესი მონაცემებით, რუსეთის დაწყებული ომის შედეგად უკრაინაში 474 მოქალაქე გარდაიცვალა, 861 კი დაშავდა. მათი ინფორმაციით, დაღუპულია 29 და დაჭრილია 44 ბავშვი.

ორგანიზაცია მიიჩნევს, რომ რეალური მაჩვენებლები მნიშვნელოვნად მაღალია, თუმცა ინფორმაციის მიღება ზოგიერთი ადგილიდან, სადაც ინტენსიური საომარი მოქმედებები მიმდინარეობდა, ვერ მოხერხდა და ბევრი ცნობა ჯერ კიდევ ელოდება დადასტურებას. აღსანიშნავია, რომ უკრაინის სახალხო დამცველის მონაცემებით, ომის დაწყებიდან უკრაინაში 41 ბავშვი მოკლეს, დაშავდა — 76.

გაეროს განცხადებით, სამოქალაქო მსხვერპლის უმეტესობა გამოწვეული იყო ასაფეთქებელი იარაღის, მძიმე არტილერიისა და სარაკეტო დაბომბვის გამოყენების გამო.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში