უკრაინის პრეზიდენტის, ვოლოდიმირ ზელენსკის თქმით, ომის დაწყებიდან დღემდე 9 000-ზე მეტი რუსი ჯარისკაცი დაიღუპა. მისი თქმით, ნიკოლაევსკის მიმართულებით ოკუპანტებს უწევთ 10-ეულობით ვერტმფრენით გაიყვანონ დაჭრილები და გარდაცვლილები.

"ერთ კვირაში დაახლოებით 9 000 რუსი ჯარისკაცი დაიღუპა. 19 წლის, 20 წლის — რა უნახავთ მათ ცხოვრებაში ამის გარდა, სხვის მიწაზე შეჭრის გარდა?" — თქვა მან ვიდეომიმართვაში.

ზელენსკიმ აღნიშნა, რომ არ სურს, უკრაინა დაიფაროს ჯარისკაცების გვამებით.

"გაეთრიეთ სახლში თქვენი ჯარიანად, უთხარით ხელმძღვანელობას, რომ გინდათ სიცოცხლე და არ გინდათ სიკვდილი", — ამბობს ის.

უკრაინის შინაგან საქმეთა მინისტრმა, ანტონ გერაშენკომ დღეს გააკეთა განცხადება, რომ რუსებს გარდაცვლილი ჯარისკაცების ცხედრები ამ დრომდე არ გააქვთ, ამიტომ უკრაინა პარტნიორებს დახმარებას სთხოვს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში