ევროპარლამენტის პრეზიდენტის, რობერტა მეცოლას განცხადებით, მიესალმებიან უკრაინის განცხადებას ევროკავშირში წევრობის კანდიდატობაზე. მისი თქმით, ევროპა უფრო შორს წასასვლელად მზად არის და ამ მიზნისთვის იმუშავებენ.

"მადლობა, რომ მსოფლიოს აჩვენე, რას ნიშნავს, დადგე მტკიცედ, მადლობა, რომ შეგვახსენე საფრთხეები — უკრაინელების ყოველდღიური არნახული გმირობა ყველას შთაგვაგონებს [...] ეს უნდა იყოს ჩვენი "რადაც არ უნდა დაგვიჯდეს" მომენტი [...] ევროპა მზადაა უფრო შორს წავიდეს, ჩვენ ვაღიარებთ უკრაინის ევროპულ პერსპექტივას და როგორც ჩვენს რეზოლუციაში ვამბობთ, მივესალმებით უკრაინის სტატუსის შესახებ აპლიკაციას. ჩვენ ამ მიზნისკენ ვიმუშავებთ, რადგან მომავალს ერთად უნდა შევხვდეთ და შევხვდებით", — თქვა მან.

უკრაინის პრეზიდენტი, ვოლოდიმირ ზელენსკი ევროპარლამენტში სიტყვით გამოვიდა და უკრაინაში მიმდინარე რუსულ ომზე ისაუბრა. მისი თქმით, ყოველი დღე ბევრი ადამიანისთვის უკანასკნელია, თუმცა ისინი იბრძვიან, რომ გადარჩნენ და იყვნენ ევროპის ნაწილი. ზელენსკის განცხადებით, ევროპამ უნდა დაამტკიცოს, რომ უკრაინელების გვერდით დგანან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში