ძალადობრივი და პრორუსული Alt-info-ს საიტი გათიშულია.

როგორც On.ge-ს Alt-info-ს დამფუძნებელმა, კონსტანტინე მორგოშიამ განუცხადა, მიმდინარეობს ტექნიკური სამუშაოები.

Alt-info-ს წამყვანები ძალადობრივი კონტრაქციის ორგანიზატორებს შორის იყვნენ. სხვადასხვა განცხადებით ისინი საზოგადოებაში სიძულვილს თესავენ და აგრესიას აღვივებენ. ამასთან, გამოირჩევნიან პრორუსული და პუტინისტური განცხადებებით.

შეგახსენებთ, რომ ფეისბუქმა არაერთხელ დაბლოკა Alt-info-ს გვერდები და მათთან დაკავშირებული ქსელიც წაშალა. ისინი რამდენჯერმე ხელახლა დარეგისტრირდნენ და სხვა პლატფორმების გამოყენება დაიწყეს. აღსანიშნავია ისიც, რომ კომუნიკაციების კომისიამ მათ მაუწყებლობის უფლება მისცა.