ტაივანმა და ახალმა ზელანდიამ რუსეთს სანქციები დაუწესეს.

ახალმა ზელანდიამ რუსი ოფიციალური პირების მიმართ მიზანმიმართული სანქციები დააწესა და მათ ქვეყანაში შესვლა აუკრძალა. შეზღუდეს საქონლის ექსპორტი რუსეთის სამხედრო და უსაფრთხოების ძალებისთვის. ამასთანავე, შეაჩერეს ორმხრივი კონსულტაციები რუსეთთან და მოუწოდეს მას, დაუბრუნდეს მოლაპარაკებებს.

"ეს არის სამხედრო ძალის უხეში გამოყენება და ძალადობა, რომელიც უდანაშაულო სიცოცხლეებს იმსხვერპლებს და ჩვენ უნდა დავდგეთ ამის წინააღმდეგ", — თქვა პრემიერმინისტრმა.

ტაივანის საგარეო საქმეთა მინისტრის თქმით, რუსეთს ეკონომიკურ სანქციებს დაუწესებენ.

"იმისთვის, რომ ვაიძულოთ რუსეთი, შეაჩეროს სამხედრო აგრესია უკრაინის წინააღმდეგ და რაც შეიძლება მალე დაიწყოს მშვიდობიანი დიალოგი ყველა დაინტერესებულ მხარეს შორის, ტაივანის ხელისუფლება შეუერთდება რუსეთის წინააღმდეგ საერთაშორისო ეკონომიკურ სანქციებს", — ამბობს ის.

პუტინმა უკრაინაში ომი 24 თებერვალს დაიწყო, რომელსაც თავად სპეციალურ "სამხედრო ოპერაციას" უწოდებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში

გაიგეთ მეტი: