დიდი ბრიტანეთის პრემიერმინისტრმა ტერეზა მეიმ ვადამდელი საპარლამენტო არჩევნები მოითხოვა. პრემიერის ბრიფინგი ცოტა ხნის წინ დასრულდა. ინფორმაციას AFP ავრცელებს.

მეი არჩევნები 8 ივნისს ჩატარებას ითხოვს. ტერეზა მეი აცხადებს, რომ ვადამდელი არჩევნების დანიშვნა ქვეყნის ეროვნულ ინტერესებს ემსახურება.

"ჩვენ გვჭირდება ვადამდელი საპარლამენტო არჩევნები და ჩვენ ის ახლა გვჭირდება" - თქვა მეიმ, რომელიც თვეების წინ აცხადებდა, რომ ვადამდელ არჩევნებს არ დანიშნავდა.

პრემიერმინისტრის განცხადება მოულოდნელი იყო, რადგან ბრიტანეთი ევროკავშირის დასატოვებლად ემზადება.

დიდი ბრიტანეთის პარლამენტი პრემიერმინისტრის წინადადებას კენჭს 19 აპრილს უყრის.