მსახიობებს კარიერის განმავლობაში ერთმანეთისგან განსხვავებული პერსონაჟების განსახიერება უწევთ, რომელთაგან ზოგი ბოროტმოქმედია, ზოგი ბილწსიტყვაობს, ზოგი კი ბავშვებისთვის შეუფერებელ სიუჟეტში მონაწილეობს. ამის გამო ზოგიერთი ვარსკვლავი ცდილობს, საკუთარი კარიერა არასრულწლოვან შვილებს დროებით დაუმალოს.

მაშ ასე, გთავაზობთ 10 ცნობილ მშობელს, რომელიც შვილებს საკუთარ ფილმებსა და სერიალებს უმალავს:

1. ბობ ოდენკირკი

ბობ ოდენკირკი შვილებს Breaking Bad-ს არ აყურებინებდა, რომელშიც ადვოკატი სოლის როლს ასრულებდა. თუ სერიალის სიუჟეტს გავითვალისწინებთ, ბობის გადაწყვეტილებაში უცნაური არაფერია.

2. ჯეისონ მომოა

ჯეისონ მომოამ განაცხადა, რომ შვილებს სამეფო კარის თამაშებს, მაშველებსა და სხვა ადრეულ ნამუშევრებს არ აყურებინებს, თუმცა ბავშვებს მამის მონაწილეობით სუპერგმირების შესახებ ფილმების ნახვის უფლება აქვთ.

"მათ ბევრი ფილმი აქვთ ნანახი, რომლებშიც მამა მონაწილეობს. თუმცა ჩემი ადრეული ნამუშევრების ნახვის უფლება არ აქვთ. პრობლემა არ იქნება, თუ Dune-ს ან Sweet Things-ს უყურებენ, მაგრამ სერიალ მაშველების ნახვა სასტიკად აკრძალულია", — ამბობს ჯეისონ მომოა.

3. ზაკ გალიფიანაკისი

ზაკ გალიფიანაკისმა აკრძალვის მაგივრად უკეთესს ხერხს მიაგნო: ის შვილებს ატყუებს, რომ ბიბლიოთეკარია, რათა Hangover არ ნახონ.

"ისინი სიმართლეს ვერასდროს გაიგებენ. მე უარვყოფ. ვიტყვი, რომ წარმოდგენა არ აქვთ, რაზე ლაპარაკობენ. მაგ ფილმთან არაფერი მაკავშირებს", — ხუმრობს ზაკი.

4. ჯეკ ბლექი

ჯეკ ბლექის შვილებს მსახიობის ფილმოგრაფიიდან მხოლოდ კუნგ ფუ პანდა აქვთ ნანახი.

5. ჯულია რობერტსი

ჯულია რობერტსმა ქმართან ერთად გადაწყვიტა, რომ საკუთარ ნამუშევრებს შვილებს მხოლოდ გარკვეული ასაკის მიღწევის შემდეგ აჩვენებს.

6. კრისტენ ბელი და დაქს შეპარდი

კრისტენისა და დაქსის მცირეწლოვანი შვილები ფილმებს ჯერჯერობით საერთოდ არ უყურებენ. კრისტენის თქმით, ბავშვებს Frozen-იც კი არ აქვთ ნანახი, რომელშიც კრისტენი ანას ახმოვანებს.

7. მეგან ფოქსი

მეგან ფოქსმა ერთ-ერთ ინტერვიუში გულშემატკივრებს გაუმხილა, რომ შვილებს ტელევიზორის ყურების უფლებას საერთოდ არ აძლევს.

8. მადონა

მადონას თქმით, უქმეებზე შვილებთან ერთად ფილმებს უყურებს, თუმცა სხვა დროს ბავშვებს ტელევიზორისა და მობილური ტელეფონების გამოყენების უფლება არ აქვთ.

9. მაიმ ბიალიკი

პოპულარული სერიალის, The Big Bang Theory-ის ვარსკვლავის თქმით, მის ოჯახში ტელევიზორს იშვიათად უყურებენ, ამიტომ ბავშვებს დედის სერიალიც არ აქვთ ნანახი.

"ისინი ავატარსა და მსგავს ნამუშევრებს უყურებენ, მაგრამ სიტკომებს, სადაც მათი დედა თამაშობს — არა, მიუხედავად იმისა, რომ რამდენჯერმე სერიალის ჩაწერას დაესწრნენ კიდეც", — ამბობს მსახიობი.

10. გვინეტ პელტროუ

გვინეტ პელტროუს შვილები დედის შემოქმედებით თავად არ ინტერესდებიან, ამიტომ გვინეტს არაფრის აკრძალვა არ უწევს. მსახიობის თქმით, უფროს შვილს მხოლოდ რკინის კაცი აქვს ნანახი, უმცროსს კი დედის ეკრანზე ხილვა არ უნდა.