როგორც ჩანს, ზაკ გალიფიანაკისს The Hangover-ის ფილმებში შესრულებულ ცნობილ როლს ვერაფერი ავიწყებს. იმისათვის, რომ მისი არც ისე საყვარელი ფილმები შვილებს არ ანახოს, ზაკმა საინტერესო ხერხს მიმართა: ბავშვებს ატყუებს, რომ მსახიობი კი არა, ბიბლიოთეკარია.

მისი ახალ ფილმის, Ron's Gone Wrong-ის შესახებ საუბრისას მსახიობმა აღნიშნა, რომ მის 4 და 7 წლის შვილებს მამის რეალური პროფესიის შესახებ წარმოდგენა არ აქვთ და ეს შემთხვევითობა სულაც არაა.

"ისინი სიმართლეს ვერასდროს გაიგებენ. მე უარვყოფ. ვიტყვი, რომ წარმოდგენა არ აქვთ, რაზე ლაპარაკობენ. მაგ ფილმთან არაფერი მაკავშირებს", — ხუმრობს ზაკი.

ზაკი თვლის, რომ მისი შვილები აღნიშნულ ფილმებს მანამ ვერ ნახავენ, სანამ არ გაიზრდებიან.

"მათი უცოდველობა იქამდე უნდა დაიცვა, სადამდეც შეგიძლია. ისინი უბრალოდ ბავშვები არიან. ადამიანები ჩემთან მოდიოდნენ და მეუბნებოდნენ: 'ჩემს შვილებს The Hangover ძალიან უყვართ', მე კი ვფიქრობდი: 'საშინელი მშობელი ხარ", — ამბობს მსახიობი.