8 თებერვალს ამერიკის კინოაკადემიამ ოსკარების 2022 წლის ნომინანტები დაასახელა და მათ შორის დენზელ ვაშინგტონიც მოხდა, რითაც მსახიობმა ამ დაჯილდოების ისტორიაში თავისივე რეკორდი გააუმჯობესა.

აქამდე დენზელ ვაშინგტონი ოსკარებზე ყველაზე მეტჯერ ნომინირებული შავკანიანი მსახიობი იყო და წელს მიღებული რიგით მეათე ნომინაციით თავისივე რეკორდი გააუმჯობესა.

მსახიობმა მეათე ნომინაცია ჯოელ კოენის ფილმში The Tragedy of Macbeth (მაკბეტის ტრაგედია) შესრულებული როლისთვის მიიღო. წელს მასთან ერთად მთავარი როლის შემსრულებელი მსახიობი კაცის ნომინაციაში ფინალისტები უილ სმიტი, ბენედიქტ კამბერბაჩი, ხავიერ ბარდემი და ენდრიუ გარფილდი არიან.

დენზელ ვაშინგტონი ფილმში მაკბეტის ტრაგედია.

ფოტო: ALISON ROSA/APPLE TV +

აღსანიშნავია, რომ ათი ნომინაციიდან ვაშინგტონმა გამარჯვება ორჯერ მოიპოვა: პირველად ფილმით Glory (დიდება) 1990 წელს და მეორედ 2002-ში ფილმით Training Day (საწვრთნელი დღე). ბოლო ოცი წლის განმავლობაში მას კინოაკადემიის ჯილდო აღარ მიუღია.

ოსკარების ისტორიაში პირველი შავკანიანი კაცი, რომელმაც კაცის მთავარი როლის ნომინაციაში გაიმარჯვა, სიდნი პუატიე იყო 1964 წელს, დენზელ ვაშინგტონი კი მხოლოდ მეორე შავკანიანი მსახიობი გახდა 2002 წელს, ვინც ამ კატეგორიაში გამარჯვება შეძლო.

ოსკარების ნომინაციების საერთო რაოდენობით კვლავ მერილ სტრიპი ლიდერობს: ჯამში 21 ნომინაცია აქვს. მის შემდეგ კი კეტრინ ჰეპბერნი მოდის 12 ნომინაციით.

ოსკარების წლევანდელი დაჯილდოების ცერემონია 27 მარტს გაიმართბა, იქამდე კი ნახეთ ნომინანტების სრული სია.