რიყე-ნარიყალას საბაგირო 7 თებერვლიდან პირველ მარტამდე არ იმუშავებს. მერიის ინფორმაციით, მიზეზი ტექნიკური რეგლამენტით გათვალისწინებული სამუშაოებია.

"აღნიშნულ პერიოდში, საბაგირო მოწყობილობების (საბაგირო გზის, ფუნიკულიორის) უსაფრთხო ექსპლუატაციის შესახებ ტექნიკური რეგლამენტის თანახმად, მზიდსაწევი ბაგირი გამოიცვლება და სერვისული სამუშაოები ჩატარდება. სამუშაოებს ხელშეკრულების პირობების თანახმად, იტალიური მწარმოებელი კომპანია ლაიტნერის სპეციალისტები შეასრულებენ", — აცხადებენ მერიაში.