მსახიობი ჯუდ ლოუ ახალგაზრდა პაპის შემდეგ ჯადოსნური სამყაროს უდიდესი პაპის ალბუს დამბლდორის როლს შეასრულებს.

პოტერიადას სამყაროს ახალ ფილმში, Fantastic Beasts and Where to Find Them ჯუდ ლოუ ახალგაზრდა დამბლდორად მოგვევლინება.

სერიის მეორე ფილმში ახალგაზრდა დამბლდორი ჰოგვორტის სკოლაში მხოლოდ და მხოლოდ, ტრანსფიგურაციის პროფესორია.

"ჯუდ ლოუ ფენომენალურად ნიჭიერი მსახიობია და მიხარია, რომ საბოლოოდ მექნება პატივი მასთან ერთად ვიმუშავო. დარწმუნებული ვარ, რომ ის არაჩვეულებრივად შეასრულებს ახალგაზრდა ალბუს დამბლდორს და მის ისეთ სახეს გვიჩვენებს, როგორსაც როულინგი აღწერს." - ამბობს რეჟისორი დეივიდ იეტსი.

ფილმის პრემიერა 2018 წლის ნოემბერში იგეგმება.