თბილისის მერია გაფანტული სკლეროზის კვლევებს დააფინანსებს. მერის, კახა კალაძის განცხადებით, მაგნტიურ-რეზონანსული კვლევები საკმაოდ ძვირადღირებულია, პროგრამა კი მეტ შესაძლებლობას მისცემს დიაგნოზის მქონე მოქალაქეებს.

"2022 წელს, გვინდა კვლევების დაფინანსებაც დავამატოთ. კერძოდ, მერია აღნიშნული პროგრამის ბენეფიციარებს თავის ტვინი, ხერხემლის, ზურგის ტვინის მაგნიტურ-რეზონანსულ ტომოგრაფიასაც დაუფინანსებს ყოველგვარი გადასახადების გარეშე. აღნიშნული დაავადების სიმპტომებია 20-დან 40-წლის ასაკში ვლინდება და ამ ასაკობრივი ჯგუფის არატრავმული, უნარშეზღუდუდულობის მიზეზი ხდება. ჩვენი პროგრამის საშუალებით შესაძლებელი ხდება გაფანტული სკლეროზით დაავადებული პირები არ მიეჯაჭვნონ საწოლს, არამედ ჩაერთონ ყოველდღიურ საქმიანობაში და თავი საზოგადოების სრულფასოვან წევრებად იგრძნონ", — თქვა კალაძემ.

2020 წლის მარტიდან მერიამ გაფანტული სკლეროზის მედიკამენტების დაფინანსება დაიწყო. როგორც კალაძე ამბობდა,დაავადების მკურნალობა წლიურად, დაახლოებით, 24 000 ლარი ჯდება და სოციალურად დაუცველებისთვის ის 100%-ით უნდა დაფინანსებულიყო, სხვებისთვის კი 80%-ით.