ცოტა ხნის წინ Encanto-ს საუნდტრეკმა ჩარტებში პოპულარობით Let It Go-ს აჯობა. ამჯერად კი საუნდტრეკი, სახელად We Don’t Talk About Bruno, დისნეის პირველი სიმღერა გახდა, რომელმაც ბოლო 29 წლის განმავლობაში Billboard Hot 100-ში პირველ ადგილს მიაღწია. დისნეის სიმღერა, სახელად A Whole New World, ამ ჩარტის სათავეში ბოლოს 1993 წელს მოექცა.

თავად ალბომი Encanto-ც ჩარტების ლიდერად რჩება, ხოლო მისი მთავარი საუნდტრეკი უკვე ოთხი კვირაა Billboard Hot 100-ში ადგილს ინარჩუნებს.

ენკანტოს საუნდტრეკს ადელის Easy on Me-ის დამარცხება გაუძნელდა, რადგან ეს სიმღერა უკვე ბოლო 10 კვირაა Billboard Hot 100-ის სათავეშია, თუმცა საბოლოოდ მაინც გადაასწრო. ადელმა მალევე მოახერხა ჩარტის სათავეში დაბრუნება, თუმცა დისნეის სიმღერების ისტორიაში Encanto-ს შედეგი მაინც მნიშვნელოვან მიღწევად რჩება.

რაც შეეხება თავად ალბომ Encanto-ს, ის Billboard-ის ალბომების ჩარტებში პირველ ადგილს ინარჩუნებს და წინა კვირასთან შედარებით 11%-იანი ზრდა აქვს. მას შემდეგ რაც ალბომი ჩარტის ასეულში შევიდა, ის კვირიდან კვირამდე პროცენტულ ზრდას აგრძელებს.

ასევე იხილეთ: