ერთიანი ნაციონალური მოძრაობის პოლიტსაბჭოს თავმჯდომარე, კობა ნაყოფია ამბობს, რომ ის, თუ რა ფორმით გააგრძელებს მიხეილ სააკაშვილი პროტესტს, უახლოეს დღეებში გახდება ცნობილი.

"არცერთი ექიმი, მათ შორის უცხოელი ექიმი, რომლებიც მზად არიან ჩამოვიდნენ და შევიდნენ მასთან, დღემდე არ არის თანხმობა ამ ექიმების მიხეილ სააკაშვილთან დაშვების საკითხთან დაკავშირებით.

მე მინდა გითხრათ, რომ სრული პასუხისმგებლობა მიხეილ სააკაშვილის ჯანმრთელობის მდგომარეობასთან დაკავშირებით , ეკისრება ივანიშვილს და ქართული ოცნების ხელისუფლებას. ნუ არიან ილუზიებში, რომ ეს ამბავი ასე მარტივად ჩაივლის. ულტიმატუმი არსად არ გამქრალა, მინდა გითხრათ, გაავრცელებს ის სპეციალურ განცხადებას. რა ფორმით მოხდება მისი მხრიდან პროტესტის გამოხატვა უახლოეს დღეებში გაიგებთ. ამ თემაზე ჩვენ გვქონდა საუბარი, მაგრამ მისი გადაწყვეტილება იქნება უახლოეს დღეებში", — აცხადებს ნაყოფია.

6 იანვარს ცნობილი გახდა, რომ ექსპრეზიდენტმა მიხეილ სააკაშვილმა მისი მოთხოვნების დაკმაყოფილებისთვის ულტიმატუმის ვადა თვის ბოლომდე გადაწია. სააკაშვილი ადვოკატებთან კომუნიკაციის კონფიდენციალობასა და რუსთავის ციხეში ექიმების შეშვებას ითხოვს.