საავტომობილო გზების დეპარტამენტის ინფორმაციით, 29, 30 და 31 მაისის დილის 08:00 საათიდან საღამოს 20:00 საათამდე, თბილისი-სენაკი-ლესელიძის საავტომობილო გზის 88 კმ-ზე მდებარე გორის მარჯვენა საავტომობილო გვირაბში იკრძალება ავტოტრანსპორტის მოძრაობა. უწყების ცნობით, შეზღუდვის მიზეზი გაწმენდითი და პროფილაქტიკური სამუშაოების ჩატარებაა.

ავტოტრანსპორტის ნაკადი გადაერთვება მარცხენა გვირაბში, სადაც ამჟამად ავტოტრანსპორტის მოძრაობა თავისუფალია ლიახვის ხიდზე მიმდინარე სარემონტო სამუშაოებთან დაკავშირებით.