საქართველოს ფინანსთა სამინისტროს საგამოძიებო სამსახურმა, ბორჯომისა და ლიკანის ფალსიფიკაციის ბრალდებით ერთი პირი დააკავა.

უწყების ცნობით, გამოძიებამ დაადგინა, რომ ქალაქ ბორჯომში, ერთ-ერთ მოქალაქეს, საკუთარი საცხოვრებელი სახლის სარდაფში კუსტარულად მოწყობილი ჰქონდა მინერალური წყლების ჩამოსასხმელი საამქრო, სადაც სისტემატურად ამზადებდა და შემდგომ ყიდდა ფალსიფიცირებულ მინერალურ წყალს - ბორჯომსა და ლიკანს.

სამინისტროს ცნობით, საგამოძიებო სამსახურის მიერ ამოღებულია ფალსიფიცირებისთვის განკუთვნილი მანქანა დანადგარები და კუსტარული წესით დამზადებული ლიკანი და ბორჯომი.

საქმეზე მიმდინარეობს გამოძიება საქართველოს სისხლის სამართლის კოდექსის 197-ე პრიმა მუხლით, რაც სასჯელის სახით ითვალისწინებს თავისუფლების აღკვეთას 2 წლამდე ვადით.