ექსპრეზიდენტ მიხეილ სააკაშვილის უკრაინელმა ადვოკატებმა მოსამართლეს სასამართლო პროცესში მონაწილეობის უფლება სთხოვეს. შესაბამისი დოკუმენტები სასამართლოს წინაშე ექსპრეზიდენტის ადვოკატმა, ბექა ბასილაიამ წარადგინა. მოსამართლე ნინო ჩახნაშვილმა საპროცესო კანონმდებლობის საფუძველზე მათ უარი განუცხადა.

"თქვენ მოგვეცით ნებართვა სხდომას დასწრებოდნენ მიხეილ სააკაშვილის უკრაინელი ადვოკატები. მათ მოწმობები და ორდერები წარმოადგინეს. მე ვიცი, რომ სასამართლოში განსხვავებული პრაქტიკაა, მაგრამ მინდა წარმოგიდგინოთ და სასამართლომ გადაწყვიტოს არა მხოლოდ დასწრების შესაძლებლობა, დაცვის შესაძლებლობაც მიეცემათ თუ არა.

[ორდერები და მოწმობები] ნოტარიულად ნათარგმნია, თარჯიმანიც თან ახლავთ, ანუ სასამართლოს დამატებითი ხარჯის გაწევა ამ ნაწილში, ან დროის თვალსაზრისით დამატებითი შეზღუდვები არ გვექნება", — ასე მიმართა ბექა ბასილაიამ მოსამართლეს.

"ბატონო ბექა, ამასთან დაკავშირებით, სასამართლო ხელმძღვანელობს კანონმდებლობით [...] დასწრების უფლება მიეცათ, მაგრამ საპროცესო კანონმდებლობიდან გამომდინარე მოქმედებს სხვა წესები, შესაბამისად, სხდომაში მონაწილეობის უფლება ვერ მიეცემათ", — განაცხადა მოსამართლე ნინო ჩახნაშვილმა.

ამ წუთებში თბილისის საქალაქო სასამართლოში ექსპრეზიდენტ მიხეილ სააკაშვილი სასამართლო პროცესი მიმდინარეობს. მოსამართლე ნინო ჩახნაშვილი საზღვრის კვეთის საქმეს განიხილავს. სხდომის პირველ ნაწილი მთლიანად ბრალდებულის სიტყვას დაეთმო, რის შემდეგაც დაიწყო მოწმეების გამოკითხვა.

გაიგე, რა თქვა სააკაშვილმა სასამართლო პროცესზე: