ნაციონალური მოძრაობის ერთ-ერთი წევრის, ზაალ უდუმაშვილის განცხადებით, დღეს პოლიტსაბჭოზე "შიდაპარტიულ გაძლიერებაზე" ისაუბრებენ. უდუმაშვილის არ ადასტურებს იქნება თუ არა საუბარი საკადრო გადაადგილებებზე.

"ვიდრე პოლიტსაბჭო არ დასრულდება, ვერანაირ საკადრო გადაადგილებას მე ვერ დავადასტურებ. საუბარი იქნება შიდაპარტიულ გაძლიერებაზე, როგორ უნა გავაძლიეროთ პარტია მომავალი ბრძოლისთვის და რა თქმა უნდა, რა გადაწყვეტილებები იქნება მიღებული უკვე დასრულების შემდეგ ვისაუბრებთ", — აღნიშნა მან.

როგორც უდუმაშვილმა აღნიშნა, ასევე, ისაუბრებენ სამომავლო სტრატეგიაზე, კერძოდ, როგორ აპირებს პარტია ბრძოლის გაგრძელებას და რა იქნება მათი მთავარი მიმართულებები. დღეს ნაციონალურ მოძრაობაში პოლიტსაბჭოს სხდომა იმართება. მედიაში გავრცელებული ინფორმაციის თანახმად, პარტიაში საკადრო გადაადგილებებზე იმსჯელებენ.