ნიკოლას ქეიჯის ნახვა უამრავ ფილმში შეგიძლიათ, მაგრამ არა — კარაოკე ბარში. ამისათვის მსახიობს განსაკუთრებული მიზეზი აქვს: ორი წლის წინ ინტერნეტში მისი ვიდეო გავრცელდა, რომელშიც Purple Rain-ს მღერის. საზოგადოების ნაწილს მისი შესრულება მოეწონა, მეორე ნაწილს კი არა. მიუხედავად რეაქციებისა, ნიკოლას ქეიჯისთვის ეს ინციდენტი ნამდვილად მტკივნეული აღმოჩნდა და კარაოკეთი გართობაზე უარი განაცხადა.

რთული გადაწყვეტილება ნიკოლას ქეიჯმა გამოცემა The Hollywood Reporter-ს აუხსნა:

"ჩემთვის კარაოკე თერაპია იყო მანამ, სანამ ვიღაცამ გადაიღო, როგორ ვმღეროდი პრინსის Purple Rain-ის პანკ-როკ ვერსიას და ყველგან გაავრცელა. მაშინ ვთქვი, რომ კარაოკეს აღარ ვიმღერებდი", — განაცხადა მსახიობმა.

The Hollywood Reporter-ის გადაცემაში ნიკოლას ქეიჯთან ერთად მყოფმა ენდრიუ გარფილდმა მსახიობი გაამხნევა და სთხოვა, სამყაროსთვის ეს სიამოვნება არ მოეკლო, თუმცა ნიკოლას ქეიჯის მოთაფვლა მაინც ვერ შეძლო.

"ვფიქრობ, რომ სიმღერა თერაპიაა. კარაოკეს სიმღერა პირად სივრცეს არ უნდა გასცდეს, როგორც ლოცვა", — განმარტა მსახიობმა.