თბილისში CO-თი ინტოქსიკაციით ქალი გარდაიცვალა. ინფორმაცია On.ge-ს კომპანია თბილისი ენერჯიში დაუდასტურეს. მათივე ცნობით, შემთხვევა მიხაკო წერეთლის ქუჩაზე მდებარე საცხოვრებელ ბინაში მოხდა, სადაც წყლის გამაცხელებელი და გაზის გამათბობელი კუსტარულად იყო დამონტაჟებული.

როგორც შინაგან საქმეთა სამინისტროში On.ge-ს განუცხადეს, გამოძიება სისხლის სამართლის კოდექსის 240-ე პრიმა მუხლით მიმდინარეობს.

აღნიშნული ელექტრო ან თბოენერგიის, გაზის, ნავთობის ან ნავთობპროდუქტების ობიექტის განლაგების, დაპროექტების, მშენებლობის ან ექსპლუატაციის დროს უსაფრთხოების წესების დარღვევას გულისხმობს, რასაც ჯანმრთელობის ნაკლებად მძიმე დაზიანება მოჰყვა, ან რამაც მნიშვნელოვანი ზიანი გამოიწვია.