საქართველოს ეროვნული ბანკის გადაწყვეტილებით, 2022 წლის 1-ლი იანვრიდან 1995 და 1999 წლების გამოშვების ლარის ბანკნოტები საგადამხდელო საშუალებად აღარ გამოიყენება.

ასეთი კუპიურის მფლობელი მის გადაცვლას საქართველოს ეროვნული ბანკის საკასო ცენტრში შეძლებს.

სებ-ის ინფორმაციით, 2002 წლიდან დღემდე გამოშვებული ლარის ყველა ნომინალის ბანკნოტი გადახდის კანონიერი საშუალებაა ქვეყნის მთელ ტერიტორიაზე. შესაბამისად, ყველა იურიდიული და ფიზიკური პირი ვალდებულია, შეუფერხებლად მიიღოს და განახორციელოს ანგარიშსწორება ამ ბანკნოტებით.