საქართველოს მართლმადიდებელი ეკლესიის კათოლიკოს პატრიარქმა ილია მეორემ დღევანდელი ქადაგებისას განაცხადა, რომ მას 1989 წლის 9 აპრილის, აქციაზე შეკრებილებისთვის დაშლისკენ არ მოუწოდებია:

"ჩვენმა ახალგაზრდებმა გამოიჩინეს დიდი გმირობა და დღეს მოვისმინე რადიოთი, რომ პატრიარქმა მოუწოდა დაშლისაკენ. მე არ მომიწოდებია დაშლისაკენ, მე ვხედავდი ბევრ საშიშროებას და მოვუწოდე, რომ შესულიყვნენ ქაშუეთის წმინდა გიორგის ეკლესიაში".

1989 წლის 9 აპრილს ილია მეორემ მომიტინგეებს სიტყვით მიმართა:

"მე მოვედი იმისათვის, რომ წავიდეთ ტაძარში და მადლობა შევწიროთ ღმერთს გადარჩენისათვის. მე ახლა მაცნობეს, რომ საშიშროება რეალურია. შეიძლება ამ საშიშროებამდე დარჩა სულ რამდენიმე წუთი. ამიტომ, ჩემო სულიერო შვილებო, გეძლევათ ლოცვა-კურთხევა, რომ აბრძანდეთ ახლა და წავიდეთ ქაშუეთის წმინდა გიორგის ეკლესიაში".