BBC-ის ცნობით, ეგვიპტეში, ქალაქ ტანტაში, კოპტი ქრისტიანების ეკლესიაში 9 აპრილს, ბზობის დღესასწაულის აღნიშვნისას მომხდარი აფეთქების შედეგად, სულ მცირე, 13 ადამიანი დაიღუპა და 40-ზე მეტი დაშავდა.

ეგვიპტური ონლაინ გამოცემა Ahram წერს, რომ ასაფეთქებელი მოწყობილობა ეკლესიაში იყო დამონტაჟებული.

BBC-ის ინფორმაციით, აფეთქების მიზეზი ჯერჯერობით უცნობია, თუმცა ვარაუდობენ რომ ეს ისლამისტმა მებრძოლებმა განახორციელეს, ვინაიდან ეგვიპტეში ქრისტიანების უმცირესობა ხშირად ყოფილა თავდასხმის მსხვერპლი.

ქალაქი, სადაც აფეთქება მოხდა, დაახლოებით 96 კილომეტრითაა დაშორებული ჩრდილოეთ კაიროდან.