ბანკი ქართუ ნაციონალური მოძრაობისა და მისი ლიდერების, გოგა ონიანისა და ნუგზარ წიკლაურის წინააღმდეგ სასამართლოში სარჩელის შეტანას გეგმავს. ბანკ ქართუს მიაჩნია, რომ პარტიამ მათ წინააღმდეგ 6 აპრილს ცილისწამებლური შინაარსის განცხადებები გაავრცელეს.

ბანკში აცხადებენ, რომ ონიანისა და წიკლაურის მიერ გავრცელებული განცხადება ქართული საინვესტიციო ჯგუფი XXI-ის მიერ 10 წლის წინ 50-მდე მძღოლისთვის 48 ათასი ლარის სანაცვლოდ გადაცემული ავტომობილების ბანკის მიერ წართმევის შესახებ ინფორმაცია არასწორია.

ბანკში განმარტავენ, რომ შპს ქართული საინვესტიციო ჯგუფი XXI-ს საკრედიტო დავალიანება აქვს და სესხის უზრუნველსაყოფად დაგირავებულია უძრავი ქონება და ავტომობილები. ქართუში ამბობენ, რომ კომპანიის საკუთრებაში არსებულ, გირავნობით უზრუნველყოფილ საგნებთან დაკავშირებით ბანკს მოთხოვნები არ დაუყენებია სასამართლოში, შესაბამისად, სააღსრულებო პროცედურები კომპანიის მიმართ ბანკის მოთხოვნის საფუძველზე არ მიმდინარეობს და არც მათი მოთხოვნის საფუძველზე ადევს ყადაღა გირავნობით უზრუნველყოფილ საგნებს.

ბანკი ქართუ საქართველოს ყოფილი პრემიერ-მინისტრის, პარტია ქართული ოცნების დამფუძნებლის, ბიძინა ივანიშვილის შვილს, უტა ივანიშვილს ეკუთვნის.