ქართული ოცნების გენერალური მდივანი, კახა კალაძე ექსპრეზიდენტ მიხეილ სააკაშვილის გათავისუფლების მოთხოვნით დაწყებულ მასობრივი შიმშილობის აქციას "უნიჭო თეატრს" უწოდებს. მისი შეფასებით, ნაციონალური მოძრაობა ნეგატივით საზრდოობს.

"მართლაც უმძიმეს მდგომარეობაში არიან. გადაწყვეტილება, რომელიც მიიღეს შიმშილობასთან დაკავშირებით, უნიჭო თეატრს დავარქმევდი, უნიჭოდ დადგმულ თეატრს. არ ვიცი რა უნდა მოყვეს ამას, შედეგს რას ელოდებიან. უბრალოდ, შინაარსობრივად, იდეოლოგიურად ეს ადამიანები საზრდოობენ ნეგატივით, დესტრუქციით, ყველაფერი ცუდით, რაც კი შეიძლება ადამიანმა მოიფიქროს. ყველაფერს კადრულობენ, ყველაფერზე მიდიან", — განაცხადა კახა კალაძემ.

21 დეკემბერს მიხეილ სააკაშვილის მხარდამჭერ აქციაზე ნაციონალური მოძრაობის თავმჯდომარემ, ნიკა მელია მასობრივი შიმშილობა გამოაცხადა. მელიას ინფორმაციით, სააკაშვილის გათავისუფლების მოთხოვნით 300-მდე ადამიანმა დაიწყო შიმშილობა. 22 დეკემბერს, ნაციონალური მოძრაობის ერთ-ერთმა ლიდერმა, კობა ნაყოფიამ განაცხადა, რომ მოშიმშილეთა სიაში 180 ადამიანია დარეგისტრირებული, თუმცა ვარაუდობს, რომ ეს რიცხვი გაიზრდება.

გაიგე მეტი: