ქართული ოცნების დეპუტატი, არჩილ თალაკვაძე მასობრივი შიმშილობის აქციას პროვოკაციას უწოდებს. მისი თქმით, ამ ფორმით მარლთმსაჯულებისთვის თავის დაღწევა წარმოუდგენელია.

"ეს არის მორიგი პროვოკაცია და დაბადების დღეზე მისულ სტუმრებს შიმშილობას დააწყებინებ, ალბათ, ყველამ ვიცით, ეს რას ნიშნავს. რაც შეეხება შიმშილობის მოთხოვნას, წარმოუდგენელია, რომ ამ ფორმით ვინმემ ქვეყანაში მარლმთსაჯულებას თავი დააღწიოს", — განაცხადა თალაკვაძემ.

გუშინ, 21 დეკემბერს პარლამენტთან მიმდინარე აქციაზე ნაციონალური მოძრაობის თავმჯდომარემ, ნიკა მელიამ ექსპრეზიდენტ მიხეილ სააკაშვილის გათავისუფლების მოთხოვნით უვადო, მასობრივი შიმშილობა დააანონსა. მელია ამბობს, რომ ამ გადაწყვეტილებას დაახლოებით 2 კვირის განმავლობაში განიხილავდა და ექსპრეზიდენტმა სააკაშვილმა არ იცოდა.

მისივე თქმით, მასობრივი საპროტესტო შიმშილობა დაიწყება კახეთის გზატკეცილზე, ერთიანი ნაციონალური მოძრაობის ოფისის მიმდებარე ტერიტორიაზე. მელია ამბობს, რომ შიმშლობის აქციაში 300-ზე მეტი ადამიანი მიიღებს მონაწილეობას.