კვლევების კომპანიამ, ACT-იმ, ჩაატარა გამოკითხა თბილისელები, თუ რას ფიქრობენ პარლამენტის მიერ გუშინ თამბაქოს კონტროლის შესახებ კანონში მხარდაჭერილ ცვლილებებზე.

კვლევის მიხედვით, თბილისელების მეოთხედზე ცოტა მეტი (26%) მიიჩნევს, რომ მოწევა სრულად უნდა აიკრძალოს შენობებში და საზ. თავშეყრის ადგილებში.

თუმცა, მოქალაქეების დიდი უმრავლესობა (64%) ფიქრობს, რომ შენობებში და საზ. თავშეყრის ადგილებში უნდა გამოიყოს სპეციალური ზონები მწეველებისთვის.

მხოლოდ 10%-ის მოსაზრებით, თამბაქოს მოხმარება საერთოდ არ უნდა შეიზღუდოს.

ACT-ის მიხედვით, თბილისის მოსახლეობის 31% თამბაქოს მომხმარებელია. თბილისელი ქალების 18% ეწევა სიგარეტს, ხოლო კაცების - 48%.

კომპანიის ინფორმაციით, გამოკითხვა ჩატარდა შემთხვევითი შერჩევის გზით 400 ზრდასრულ თბილისის მოსახლეს შორის, 2017 წლის აპრილში. მონაცემთა სტატისტიკური ცდომილება არ აღემატება 4,9%-ს. გამოყენებული მეთოდი – პირისპირ ინტერვიუ.