პრეზიდენტის ადმინისტრაციაში ვენეციის კომისიის დასკვნა გაასაჯაროვეს, რომელიც საკონსტიტუციო სასამართლოს შესახებ კანონში ცვლილებებს ეხება.

როგორც ნაციონალური მოძრაობის წევრი, ზურაბ ჭიაბერაშვილი განმარტავს, კომისიამ ის საკითხები, რომლებსაც ოპოზიცია და არასამთავრობო ორგანიზაციები პრობლემურად მიიჩნევენ, ასევე უარყოფითად შეაფასა:

"ვენეციის კომისიის დასკვნა არის მკვეთრად უარყოფითი და ის ეხება ყველა ყველა ასპექტს, რომელიც აღმოჩნდა ამ შემთხვევაში ქართული ოცნების სამიზნე. ერთ-ერთი მნიშვნელოვანი ცვლილება ეხება, რომ მოქმედ მოსამართლეებს ბოლო 3 თვის განმავლობაში თავიანთი მანდატისა არ შეეძლოთ საქმის განხილვაში მონაწილეობა და ეს ცვლილება არის მკვეთრად უარყოფითად შეფასებული ვენეციის კომისიის დასკვნაში.

ჭიაბერაშვილი განმარტებით, ვენეციის კომისია ასევე უარყოფითად აფასებს კვორუმის გაზრდასა და გადაწყვეტილებების პლენუმის მიერ მიღებასაც.

თავისუფალი დემოკრატების წევრის, შალვა შავგულიძის განმარტებით კი, ქართულმა ოცნებამ საკონსტიტუციო სასამართლოს შესახებ კანონში ცვლილებები იმიტომ შეიტანა, რომ სხვანაირად საკონსტიტუციო სასამართლოს ვერ აკონტროლებდა. მისი თქმით, ამ ცვლილებებით ქართული ოცნება მის მიერ კონტროლირებადი მოსამართლეებით საკონსტიტუციო სამრთალწარმოების პარალიზებას მოახდენს.

საკონსტიტუციო სასამართლოს შესახებ კანონში ცვლილებები პარლამენტმა 14 მაისს მიიღო.