პარტია დროას ლიდერი, ელენე ხოშტარია აცხადებს, რომ დეკემბერში არაერთი პროტესტი იქნება და ძალიან მნიშვნელოვანი კომუნიკაციები აქვთ რეგიონებთან, ოპოზიციურ პარტიებთან.

"მე ვიცი, ვუყურებდი სულ, რომ არის გარკვეული განცდა, რომ ოპოზიცია საკმარისს არ აკეთებს და ეს განცდები ჩვენ პერიოდულად სულ გვაქვს ხოლმე და ნაწილობრივ ვიზიარებ ამ განცდას იმიტომ, რომ მართლა დღე არ არის, როდესაც შენ არ უნდა ხედავდე ბრძოლაში ამხედრებულ ოპოზიციას იმდენი უბედურებაა.

მე ვფიქრობ, რომ ის კრიზისები, რომელშიც ჩვენ მუდმივად ვცხოვრობთ, აქვს თავისი ფორმა და მიხეილ სააკაშვილის გორში გადაყვანის შემდეგ იყო ბუნებრივი პაუზა ძალის მოკრების, დაფიქრების, გააზრების მომენტი. გარწმუნებთ, რომ დეკემბერშიც იქნება არაერთი პროტესტი, არ ვაპირებთ დეკემბერში ფეხი ფეხზე გადავიდოთ და დავისვენოთ და მერე გავაგრძელოთ. ძალიან მნიშვნელოვანი კომუნიკაციაა რეგიონებთან, ოპოზიციურ პარტიებთან, იგივე მიხეილ სააკაშვილის თემაზე მიდის კომუნიკაცია, ფიქრი", — განაცხადა მან TV პირველის ეთერში.

მისივე თქმით, ახლა მათი ამოცანაა ოპოზიციური ერთობის გაძლიერება, შენარჩუნება, პროტესტის კერის მუდმივი არსებობა და პარტნიორებთან მუშაობა.